Удзельнікам і гасцям
Дня беларускага пісьменства
Шаноўныя сябры!
Шчыра вітаю ўдзельнікаў і гасцей Дня беларускага пісьменства.
Гэта свята - асаблівая падзея ў культурным жыцці Беларусі. На яго пляцоўках адбываецца шматгалосы дыялог майстроў пяра - пісьменнікаў і паэтаў - пра лёс слова і культуры, сучаснасць і будучыню нашага народа. Тут сустракаюцца, узбагачаючы творчую ніву, літаратура, музыка, жывапіс і іншыя віды мастацтва.
Сёлета адно з самых славутых свят незалежнай Беларусі гасцінна вітаюць старажытныя Бялынічы - вядомы цэнтр духоўнасці зямлі беларускай, адметны куток Магілёўшчыны з багатай гісторыяй і надзвычай прыгожай прыродай, знакаміты сваімі таленавітымі творцамі, сярод якіх мастак Вітольд Бялыніцкі-Біруля.
Упэўнены, гэтыя вераснёўскія сустрэчы - добрая падстава для кожнага з удзельнікаў і гасцей Дня пісьменства яшчэ раз зразумець, што беларусаў, якіх бы поглядаў яны ні прытрымліваліся, заўсёды аб'ядноўваюць матчына мова, адзіны лёс і Бацькаўшчына. I гэты каштоўны скарб-спадчыну мы павінны зберагчы для нашчадкаў.
Сардэчна жадаю ўсім моцнага здароўя, дабрабыту, новых здабыткаў у жыцці і працы.
Аляксандр Лукашэнка.-0-
![ДОСЬЕ: XXVII День белорусской письменности в Белыничах ДОСЬЕ: XXVII День белорусской письменности в Белыничах](/images/storage/news/with_archive/2020/000027_1599285683_405591_small.jpg)
![](https://img.belta.by/uploads/lotus/news/2020/000019_29A89064EA52D38C432585D900415F0E_368383.jpg)